About Me
- george pagulayan
- 1620 Marenda Drive, Dixon, California, United States
- Maysaak nga Ilokano, ken Itawes, ken Filipino. Naurnong ditoy dilak dagiti sao ti mannalon, mangngalap ken viajeros. Nagnaed nak ti sidong dagiti sao nga agrubrubrob iti ayat iti Diyos ken pada a tao, sao nga kalkallubak ditoy Amerika. Awan makaammo ditoy kadagiti ayug ti nuwang, pato, billit sina, tukak, apres ti karayan, kdpy, mangmangted kadagiti garaw ti kapya ti dati nga aglawlaw ko, kadagiti awan ganatda nga mangbanbantay kadagiti imas ti turog, imas ti patangan diay karkarruba, diay turod ken diay rabaw ti karro. Siak dagiti saritak nga liplipatek ditoy inawis ko nga lubong. Siak ti saok nga lemlemmengak ditoy pusok. Ammok, saanakon nga maawatan. Sino kuma ngamin ti makaawat ti tao nga umadayo ngem inaldaw nga riribuken ti iliw? Sino aya ti makaawat nu ti dati a makaawat ket innak pinanawan? Siak ti saok. Adda saok nga siak. Adda ak ngem saanak nga mangngegan. Siak ti saok nga saanen nga agsarsarita. Awan ngaminen ditoy ti saritak nga maawatan, nga maawatak, ngamin saanakon isu.
2 comments:
anak ti tinapa a nabayagen a nasuoban. agulser payen dagiti igges ket awan met ti agdisso uray dingdingrawen a saang met ditoyen.
agpayso ta kunam, kaka loren. awanen daytoy kaduatayo iti tignay.
Post a Comment