Nalpasen ti panagreregreg
Ditoy Amerika ket kasla kadagidi bulong
Nga di maigawid dagidi panagbalbaliw
Ti bukbukod da nga kolor,
Saan na ammo ti agpakada ti panawen
Iti oras ti piligro.
Inyarasaas man ti angin dagiti senyal
Insuksok man ti ulep
Dagiti agibusen nga silap ken saranta
dagiti indayon idiay sanga,
Kasapulan nga umibbet ken agsubli
A kas daga, kasla toy iiyadayo ti tao
Tapno makaasideg met laeng a pudno.
4 comments:
wen,napuntaam dayta a paliiwmo... kasla spring met ket ti biag... panaregreg -- wen, agregreg met dagiti bulong, marunot a kas iti tao, agsublida iti nagtaudandad a daga...ta nagtaud met iti daga ti bulong ta sadiay a rimmusing... ta kas kunani omar khayam: tapok iti tapok, sika a tapok agsublikanto met laeng iti tapok... laingmon, ka tommy!
agyamanak ka jim. Dayta ti rusing ti panangsurot ko (bareng laeng nu makapaddekak met bassit) iti gapwanan yo a nalalaing nga mannurat ida.
nalaing! naglaing!
Ka agca ken ken ka Jim! Nagpintas gayam ti agsurat ti bukbukod nga sao ta mas nabagbagas dagiti saibbek uray pundido pay laeng iti teknikal nga porma na. Bareng laeng nu mapuntaak to latta.
Post a Comment