Siam nga bola laeng ti iyabut
Tapno malipatan ti iliw
Nga kalbit nga kalbit ita nga tiyempo
Ti lam-ek ken lagip. Mangrugi
Iti napigsa nga bugtak, masalsal bassit
Santo maiduron iti pakigtot tapno mawara
Dagiti sinalbag nga sensentimiento,
Nga nabayagen nga mangtagtagikwa
Kadagiti kunkunaen da nga gasat
Ti kinaadayo, ti iiyidayo ti tao
Sadiay lubong dagiti silpo ti puseg
Ti ragsak. Nu adda agkuralig
Dita maysa kadagiti innem nga abut ti isem,
Adda namnama nga maibus
Dagiti saksakit ti nakem.
Nu mapagasatan ket duwa wenno tallo
Ti maisyut, agpaunayen nu kwa nga lagto
Ti pitik ti puso. Mabalinton nga dalusan
Ti lamisaan ti biag, aglalo nu ti pulso
Ket adayu sadiay danag ken damag
Iti ili a nakayanakan. Pukawen laeng nu kwa
Ti panunot, iyaw-awan a kas grade one,
Tapno mapuntaan amin nga sirsirigen,
A papanan. Kasapulan nga innayaden
Ti garaw tapno mapatingngaan ti rigat
Ti naggapwan. Ti garawgaw nga tudok
Nakarkaro ti tapyok. Bassit laeng nga saltik
Nasagsagat ti gammat ken kagat ti gasat
Ken nalaklaka nu kwa nga saganaan
Ti dawat ti sumarsaruno nga sirpat.
Siam nga bola laeng ti iyabot
Ket addanakon sadiay. Ngem siyam
Met ti biag ti pusa nga agkirkiriring
Nga inaldaw uray pay madama
Ti sirpat, ti salsal, ti sayag
Ti ay-ayam. Siam nga bola
Nga agkurkuralig, kasla panagtalon
sadiay ili, nagasaten nu agballigi.
Siam ti biag ti duog nga rigat,
Madi pulos mapanawan
Madi pulos maiyaw-awan,
Kuldit nga kuldit, barukong makasangsangit.
Kada tudok, sumuksusuksok ditoy pusok,
Dagiti listaan ti utang nga madin mabilang,
Dagiti panagturay ti presyo uray dinno,
Dagiti panangraut ti sabali nga lupot kada malamot,
Nakipagmaymaysan iti kaawan ti namnama nga mapuntaan
Dagitoy siam nga bola a pakailiwliwaan.
Siam nga bola laeng.
Siam nga bola kuma laeng
Ket adda nakon sadiay.
18 comments:
What a metaphor, apt, clean, clear!
Ty maestro!
Dayta a ti Exilic Poem. Saan nga agpangaddua a tudok. Pirmi a nasargo.Ikkam latta!
imbag man ta nagustwanan yo kabagis ida! nakitak pictures idi time ti icri! kaanunto ngata manen ti panagsasarak?
makapagsasarak kadi pay dagiti nagtalawataw?
wen met a maestro! addan to latta panawen.
ok ngarud!
Addaak latta nga agpasungad ti panagapon dagiti nagtalawataw. Ti amianan ket mailiw nga umabrasa.
wen, ngem agpukawpukawka met no umaykami agapon, ania ngarud? ita, horje, patigmaanam daytoy kigaw nga abuyo!
kasano nga saan nga agpukawpukaw maestro ket agkurapkurap paylaeng datao.
Agpukapukaw a latta met ti abuyo. No agtalinaed a ket baka adda agpangngati ket maitangkal, agbalin no kua a texas. Sus! Nagadu pay laeng ti matuktok. Masapul ti panagkayabkayab tapno adda ti makaraykay. Mawagwag bassit ti dutdot tapno di agayam ken di agpamarot. He!he! Napintas sa ket a maidokumento daytoy a trialogo. Sika dita mainland, ni maestro 'diay Hawai'i, siak ditoy Amianan. An'a ti makunam, horje?!
nayunam met a kadua. apay 'wan dubladanan 'ta bilyarmo. nagmayat pay met 'ita tudokmo yos. puro safe met ti pamay-am. bandaem samonto ipektos. urayenka diay right corner, sumakayak pay. happy holidays!
ton bakasyon kabsat. asidegen. daytoy biyernes ket awanen sirrek. saanto laengen nga metapora ti mauksot ditoy barukong. hehe. bayat ti panaguray, liwliwaen nak man paylaeng iti damag maigapu kenka. adda asawamon? anak? alaem man ketdi daytoy email ko: georgedpagulayan@yahoo.com.
HAPPY HOLIDAYS KADAKAYO A DUA!
kasta met kenka maestro! maparaburan kayo kuma latta ti tungpal biag nga salun-at ken ragsak ita nga paskua ken baro nga tawen.
Making money on the internet is easy in the underground world of [URL=http://www.www.blackhatmoneymaker.com]blackhat download[/URL], It's not a big surprise if you have no clue about blackhat marketing. Blackhat marketing uses alternative or misunderstood avenues to generate an income online.
top [url=http://www.c-online-casino.co.uk/]uk casino online[/url] check the latest [url=http://www.casinolasvegass.com/]casino[/url] manumitted no deposit bonus at the best [url=http://www.baywatchcasino.com/]online casinos
[/url].
[url=http://www.onlinecasinos.gd]online casino[/url], also known as accepted casinos or Internet casinos, are online versions of acknowledged ("chunk and mortar") casinos. Online casinos approve gamblers to palm incorrect an sidelong glance to niche in and wager on casino games painstakingly the Internet.
Online casinos superficially set down on the guy inferior odds and payback percentages that are comparable to land-based casinos. Some online casinos handling higher payback percentages in the servicing of think worthy defender games, and some promulgate payout magnitude audits on their websites. Assuming that the online casino is using an aptly programmed indefinitely myriad generator, in front of games like blackjack take an established congress edge. The payout incise up after these games are established lifestyle the rules of the game.
Varying online casinos certify not at composed or absorb their software from companies like Microgaming, Realtime Gaming, Playtech, Supranational Accomplish the inevitable Technology and CryptoLogic Inc.
Post a Comment