Itan ti petsa dagiti kanalbuong
Iti amin nga suli ditoy lagip. Itan
Ti panagsasallupang dagiti rupa,
Dagiti Isem, kidday, alamanu, arakup,
Ti panagpupulapul dagiti katkatawa,
Ranyag ti silsilaw, karoling ti ubbing,
Bibingka, linapet, puto, pancit,
Ti panagtayab dagiti asok ti kuskusina,
Ti panangraut dagiti angot ti karkarruba,
Ti panagidasar ti atang kadagiti altar,
Ti panagpasyar dagiti babarkada
Ditoy panunot ko. Itan ti iyuumay
Da lelang ken lelong, da aunti ken uncle,
Dagiti kabagyan aggapu diay sursurong
Iti kaputotan. Sumangbay da aminen
Ditoy panagmaymaysak ket matedtedtedanen
Ti rikna iti maburburiburan nga lua. Itan
Ti panagmamano dagiti inanak ti bunyag,
Ti panagsangbay ti ragsak kadagiti lamisaan,
Ti panagiparaman kadagiti kabkabaelan,
Ti panagparintumeng dagiti nangato,
Ti panagiparabur dagiti addaan. Itan
Ti pananglapsot kadagiti gura ken sakit ti nakem,
Ti panangibaba kadagiti punyal ken paltog
Iti bakrang ti barukong. dimteng'akon sadiay,
Ditoy Pusok. Agnanaednakon sadiay,
Ditoy ulimek ken lam-ek
Ti maul-ulilan nga namnama.
Itan ti panawen ti panagsusubli
sadiay lubong ti pudpudno a paskwa.
9 comments:
nagimas ket daytoy a dasarmon kadua. awanen ti sapulek nga aginaldo 'ta adda aminen ditoy: napigket, nakilnet, nalanit, nasam-it, naapgad, naalsem ken napait. malipatak pay ketdin nga idi kalman ket adda apges ti saraaw ken pangres ti sientemento. Naimbag a Paskuam ken Natalinaay a Baro a Taw-en tayo amin.
apo, naglalaingda, apo! hapi niu yir 2 u both.
hehehe! nangbola manen ni maestro. Hapi niu yi met kadakayo apo!
ka loren, pudno ta kunam. dita ngamin ket agsisinnilpo nga disso, nga puso: naisabsabalyan ti sapot ti biag/panagbiag. awanen ti ammok nga kararagsakan....
no, really now. maestroka met, dakayo a dua, formally and informally and both. di kadi ta no nalalaingen ti adalam ket makariknaka iti panagpannakkel? daytay, dayta daytay kunada a psychic reward! dayta met ti gapuna a numan pay kasano a panagpalpalama ti kaibatogan ti panagbalin a maestro, iti man Filipinas wenno Amerika, diak a talaga tinallikudan. it is the psychic reward of knowing--and hoping and praying to the anitos--that one day soon, some better person will crop up from your classroom. need i say more?
ha!ha!ha! No muna ket adda pay laeng hang-over,yos, tumangken pay ti gurong. Apo unay ket dagitoy a patiray-ok wenno paturayok, he!he!Ala, sapay a ta dagiti anitos ken bendesionan na tayo amin. Wen, maestro, lalaingenmi pay tapno dika mapaay kadakami. Say abeg su bilay angganoy walay irap ed inagew-agew.
pudno, maestro. ken ty. karkarigatanmi nga saan kaminto to sumina kadaydi indasaryo a kapanunutan.
ala wen, yagawayo ngarud tapno addanto mangilalaem kadatao. obligasionyo daytoy itan iti sumuno a kaputotan. nabunga--aggaariputong koma a bunga--ti isangbay kadakayo ti tawen dagiti ochoocho.
Kunak man no maigabur amin nga metapora ti diaspora iti napalabas a bakasyon. Kasla lusis a bigla a simged ngem sawaw met. Puyotam a tapno agkanalbuong. Kasla met kakirang ti kalabkab a maisagpaw ti pinakbet ti pamay-am, horje. Saan mo unay ibarukong ti agsapul ti doliar. Otso tatta a tawen. Nasuerte, kano. Kano, a. Daniwam ketdi ta ulo ti Washington.
hahaha! awan sika lakay! lusis sa nga agpayso. baam ta kitaek nu agsindi madamdama. hehe
Post a Comment