Tunog ng Langit

Bakal ang tunog ng kalangitan

Dito sa Washington. Lumalampas sa Tenga

Ang Ugong ng nagmamadaling buhay

Sa ulap, hinahabol ang lipad ng mga palengke

Sa kalawakan. Laging puti ang mga guhit,

Hatinghati ang paningin.

Pero kung ang tunog sana ay para tubusin lahat

Ang mga dalangin sa hapagkainan,

Mas nanaisin ko pang manatili na lang

Ang mga ibon sa kagubatan.